44 günlük müharibədə misilsiz igidlik nümunələri göstərən qəhrəmanlardan biri də Mirnağı Şərifovdur.

Mirnağı Qasım oğlu Şərifov 20 avqust 1995-ci ildə Cəlilabad rayonunun Bəcirəvan kəndində dünyaya göz açmışdır.

Azərbaycan Silahlı Qüvvələrinin giziri olan Mirnağı Şərifov 2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Kəlbəcər, Cəbrayıl və Xocavənd rayonunun işğaldan azad olunmasında xüsusi rəşadət, şücaət və qorxmazlıq nümayiş etdirmişdir. 21 oktyabr 2020-ci ildə Fizuli rayonu ərazisində döyüş tapşırığını yerinə yetirərkən düşmən tərəfindən açılan atəş nəticəsində aldığı qəlpə yarasından şəhid olmuşdur.

Azərbaycan Prezidenti İlham Əliyevin Sərəncamına əsasən Mirnağı Şərifov ölümündən sonra bir sıra medallarla təltif edilib.

1.“Rəşadət” ordeni;
2.“Vətən uğrunda” medalı;
3.“Kəlbəcərin azad olunmasına görə” medalı;
4.“Vətən müharibəsi iştirakçısı” medalı.