2013-cü ildə Azərbaycan Dövlət Neft və Sənaye Universitetinə qəbul olaraq Geofizika mühəndisliyi ixtisası üzrə məzun olub. 2017-2018-ci illərdə Azərbaycan Silahlı Qüvvələrində həqiqi hərbi xidmətdə qulluq edib. 2018-ci ildə “STDC” MMC-də Quraşdırıcı vəzifəsinə işə qəbul olub.

2020-ci ilin oktyabrında Azərbaycan ordusunun işğal olunmuş torpaqlarının geri alınması zamanı gedən döyüşlərdə oktyabrın 17-də Suqovuşanda qəhrəmancasına şəhid olmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 2020-ci il 15 dekabr tarixli Sərəncamına əsasən Rövşən Məmmədov ölümündən sonra "Vətən uğrunda" medalı ilə təltif edilib.