30 illik həsrəti bitirən 44 günlük Şanlı müharibə bizə və dünyaya bir çox qəhrəmanları tanıtdırdı. Hər birinin fərqli həyat hekayəsi, hər birinin fərqli döyüş şücaəti və hər birinin öz qanları ilə yazdığı bir birindən fərqli qəhrəmanlıq dastanı... Bu qəhrəmanlarımızdan biri də Şəmkir rayonunun Zəyəm qəsəbəsində doğulub boya başa çatan, sözün həqiqi mənasında qorxmadan, çəkinmədən ölümə meydan oxuyan şəhid Məmmədov Pərvin Natiq oğludur.
Məmmədov Pərvin Natiq oğlu 20.06.1994-ci il tarixdə Şəmkir rayonu Zəyəm qəsəbəsində anadan olub.
08.11.2020-ci il tarixdə Xocavənd rayonu istiqamətində gedən döyüşlərdə qəhrəmancasına şəhid olub. "Cəbrayılın azadlığı uğrunda” “Füzulinin azadlığı uğrunda” “Xocavəndin azadlığı uğrunda” “Vətən uğrunda” medalları ilə təltif edilib.
