9-cu sinfi uğurla başa vurduqdan sonra öz istəyilə Şamaxı Humanitar Kollecinin Fiziki Tərbiyə Müəllimliyi ixtisasına daxil olub, 28 iyun 2016-cı il tarixində əla qiymətlərlə bitirib. Elə həmin ilin iyul ayında Quru Qoşunlarında xidmətə yollanıb. Hərbi xidmətdə olduğu dövrdə fərqləndiyi üçün Şahmuradın valideynlərinə təşəkkürnamə göndərilib.

Hərbi xidməti başa vurduqdan sonra Göylər kəndinə qayıdan Şahmurad bir müddət sonra Türkiyə Respublikasında bir aylıq kurslarda iştirak edib, yenidən Azərbaycana qayıdıb və ixtisasına uyğun özəl peşə fəaliyyəti ilə məşğul olub.

Vətən Müharibəmzin ilk günlərindən Suqovuşan uğrunda gedən döyüşlərdə iştirak edib. Daha sonra Ağdərə istiqamətində gedən döyüşlər zamanı 16 oktyabrda ağır yaralanıb və 32 gün xəstəxanada müalicə aldıqdan sonra noyabrın 17-də şəhadətə qovuşub. Şamaxı rayonunun Göylər kənd qəbiristanlığında dəfn edilib.



Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Şahmurad İsgəndərov ölümündən sonra "Vətən uğrunda" medalı ilə təltif edilib.

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Şahmurad İsgəndərov ölümündən sonra "Cəsur döyüşçü" medalı ilə təltif edilib.

Suqovuşanın işğaldan azad edilməsi uğrunda aparılan döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Şahmurad İsgəndərov ölümündən sonra "Suqovuşanın azad olunmasına görə" medalı ilə də təltif edilib.