Nurağa Tağıyev 20 aprel 2001-ci ildə Xaçmaz rayonunda anadan olub. 2018-ci ildə 3 nömrəli tam orta məktəbi bitirib. Elə həmin ildə də hərbi xidmətə yollanıb. Goranboy rayonun Ağcakənd qəsəbəsində hərbi xidmətinə davam edib.
Nurağa Tağıyev 27 sentyabrda könüllü olaraq Vətən Müharibəsi döyüşlərinə qatılıb. Qarabağ uğrunda gedən qızğın döyüşlər zamanı Gülüstan yaşayış məntəqəsində yerləşən batareyanın əsas atəş mövqeyində düşmən artilleriya hücumundan şəxsi heyəti qoruyarkən şücaət göstərir və düşmən zərbəsinə tuş gəlir. 10.10.2020-ci il tarixində qəhrəmancasına şəhid olub.
Azərbaycan Respublikasının Prezidenti İlham Əliyevin sərəncamlarına əsasən ölümündən sonra "Cəsur döyüşçü" və "Suqovuşanın azad olunmasına görə" medalları ilə təltif edilib.
