Nurəddin Şıxəliyev 2020-ci ilin sentyabr ayının 21-də Azərbaycan Silahlı Qüvvələrinin ordu sıralarına qoşulmuşdur. O, 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak edib. Nurəddin Şıxəliyev müharibə boyunca ön cəbhədə vuruşub, Şuşanın azad edilməsi uğrunda gedən döyüşlərdə iştirak edib. O, döyüşlərdə yaralanıb, buna rəğmən digər yaralı əsgərlərə yardım edib. Nurəddin Şıxəliyev noyabrın 5-də, 23 yaşında Şuşa yaxınlıqlarında şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin müvafiq sərəncamları ilə Nurəddin Şıxəliyev ölümündən sonra "Vətən uğrunda" medalı, "İgidliyə görə", "Füzulinin azad olunmasına görə", "Xocavəndin azad olunmasına görə", "Cəbrayılın azad olunmasına görə", "Şuşanın azad olunmasına görə" medalları ilə təltif edilib.