Vətən Müharibəsində tarix yazan oğullarımızın hamısını tanımasaq da, onların hamısına borcluyuq. Vətənə borcunu ödəyən, bizimsə bir ömür borclu qalacağımız, adını daim yaşatmalı olduğumuz qəhrəmanlarımızdan biri də 113 gündən sonra müqəddəs "şəhid" adını alan Nurlandır.
Eminov Nurlan Pərviz oğlu iyulun 2-i 2000-ci ildə Kürdəmir rayonunun Ərəbqubalı kəndində anadan olub. 2020-ci ildə həqiqi hərbi xidmətə yollanıb.
Nurlan Vətən Müharibəsinin gedişində 3 oktyabrda Goranboyun Buzluq kəndi istiqamətində hərbi əməliyyatlar zamanı şəhid olub. İtkən düşən Nurlanın şəhidlik xəbəri nə az, nə çox, düz 113 gün sonra gəlib. Onun müqəddəs nəşi Kürdəmir rayonunda dəfn edilib. Allah yaxınlarına səbr versin!
Şəhid Nurlan Eminov ölümündən sonra
"Vətən uğrunda" və
"Kəlbəcərin azad olunmasına görə " medalı ilə təltif edilib.
