Tacir Eminov 2001-ci il dekabrın 31-də Cəlilabad rayonunun Sadatlı kəndində anadan olub. Azərbaycan Ordusunun əsgəri olan Tacir 2020-ci il sentyabrın 27-də başlayan Vətən müharibəsi zamanı Suqovuşanın azadlığı uğrunda gedən döyüşlərdə savaşıb. O, oktyabrın 6-da şəhid olub, Cəlilabad rayonunun Sadatlı kəndində dəfn edilib.
Müharibədə göstərdiyi şücaətə görə Tacir ölümündən sonra "Vətən uğrunda" , "İgidliyə görə" və "Suqovuşanın azad olunmasına görə" medalları ilə təltif edilib.
