2020-ci ildə orta təhsilini bitirərən Hüseynin ailəsi iyul ayının 12-də onun 18 yaşını qeyd edib. Bir gün sonra isə Hüseyn Səfərbərlik və Hərbi Xidmətə Çağırış üzrə Dövlət Xidmətinin Sumqayıt şəhər İdarəsindən həqiqi hərbi xidmətə yollanıb. Goranboy rayonunda N saylı hərbi hissədə xidmət edən Hüseyn İkinci Qarabağ müharibəsi başlanan gündən - sentyabrın 27-dən düşmənə qarşı döyüşlərə qatılıb. 29 sentyabrda axrıncı dəfə atasıyla danışıb və hər şeyin yaxşı olacağını bildirib.

2020-ci il oktyabrın 2-də isə Ağdərə istiqamətində gedən döyüşlərdə qəhrəmançasına şəhid olub. 88 gün itkin düşmüş sayılan əsgərimizin nəşi dekabrın 26-da aşkarlanıb. Hüseyn Yusifov Sumqayıt şəhər Şəhidlər Xiyabanında dəfn edilib.

O, "Suqovuşanın azad olunmasına görə", ”Cəsur döyüşçü”, ”Vətən uğrunda” medalları ilə təltif olunub .