Manaf Bəhmanlı 2020-ci ildə müddətli həqiqi hərbi xidmətə çağırılıb və Azərbaycan Silahlı Qüvvələrinin Daşkəsən rayonunda yerləşən hərbi hissəsində xidmətə başlayıb. 2020-ci il sentyabrın 27-də Ermənistanın işğalı altında olan ərazilərin azad edilməsi üçün başlanan Vətən müharibəsində Azərbaycan Ordusunun əsgəri kimi Murovdağ istiqamətində gedən döyüşlərdə fəal iştirak edib.

Sentyabrın 27-də Murov zirvəsində gedən şiddətli döyüşlərdə şəhid olub. Bir gün sonra Bakı şəhərində Biləcəri qəbiristanlığında torpağa tapşırılıb.


Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Manaf Bəhmanlı ölümündən sonra "Vətən uğrunda" medalı ilə təltif edilib.

Şəhidin həyat və döyüş yolunu əks etdirən videomaterialı təqdim edirik: