Vətən müharibəsinin ilk şəhidlərindən olan Xələfli Mahir Muxtar oğlu.
Mahir Xələfli 08.04. 2001-ci ildə Sumqayıt şəhərində sadə, zəhmətkeş bir ailədə dünyaya gəlib. Hələ kiçik yaşlarından hər kəsin sevimlisi olan, qorxmaz, vətənpərvər Mahirin hərbi sahəyə böyük marağı olub. Ata-anası əslən Qubadlı rayonunun Qiyaslı kəndindən olduğu üçün hər zaman bu torpaqların azad olunmasında onun da əməyinin olmasını arzulayıb. Iyilun 9-da həqiqi hərbi xidmətə yolanıb və Gəncə şəhərində N saylı hərbi hissədə xidmətə başlayıb. Sonra Daşkəsəndə yerləşən hərbi hissələrdən birində hərbi xidmətini davam etdirib. 27 sentyabr ikinci Qarabağ müharibəsi başlanan günü Mahir Xələfli döyüşlərə qatılır və Kəlbəcər rayonu istiqamətində gedən döyüşlərdə 19 yaşında şəhidlik zirvəsinə ucalıb.
