2018-2020-ci illərdə Dövlət Sərhəd Xidmətinin Sərhəd Qoşunlarının Lənkəran sərhəd dəstəsində müddətli həqiqi hərbi xidmətdə olub. Xidməti başa vurduqdan dərhal sonra peşəkar sərhədçi olmaq arzusu ilə yenidən Dövlət Sərhəd Xidmətinin sıralarına qəbul olunub. 08.02.2020-ci il tarixdən artileriya briqadasinda kəşfiyat taqımında snayperçi vəzifəsində xidmətə başlayan Şahin çalışqanlığı və intizamı ilə qısa müddətdə rəislərinin və yoldaşlarının etimadını qazanıb.

Vətən müharibəsinin ilk günlərindən çevik hərəkət dəstəsinin tərkibində ağır döyüşlərə qoşulan Şahin Xocavənd rayonu istiqamətində gedən döyüşlərdə fərqlənib. Oktyabrın 9-da Hadrut qəsəbəsi uğrunda gedən döyüşlərdə qəhrəmancasına şəhid olub. 20 oktyabr 2020-ci ildə Goranboy rayonunun Qaradağlı kəndində dəfn olunub.

Azərbaycan Respublikasının Prezidenti İlham Əliyevin sərəncamlarına əsasən ölümündən sonra "Vətən uğrunda", “Döyüşdə fərqlənməyə görə” və “Xocavəndin azad olunmasına görə” medalları ilə təltif edilib.