Həmin məktəbdə 9-cu sinfə kimi oxuyandan sonra Maştağa qəsəbəsində yerləşən Cümə Məscidinin mədrəsəsinə daxil olub və iki il dini təhsil alıb. Orta ümumi təhsilinin son 6 ayını Cəlilabadda tamamlayıb.



2019-cu il aprel ayının 1-də Masallı Rayon Hərbi Komissarlığı tərəfindən həqiqi hərbi xidmətə çağırılıb. Goranboy və Tərtər rayonlarında hərbi xidmətdə olub.

Sonuncu dəfə ailəsi ilə sentyabrın 26-da əlaqə saxlayan Rahid Vətən Müharibəsinin ilk günündən döyüşlərdə iştirak edib. Sentyabrın 28-də Suqovusan və Talış kəndi ətrafında gedən vuruşmalarda qəhrəmancasına şəhid olub. Abşeron rayonunun Saray qəsəbəsində torpağa tapşırılıb.

Azərbaycan Respublikasının Prezidenti İlham Əliyevin 15 dekabr 2020-ci il tarixli Sərəncamına əsasən, Rahid Vahid oğlu Sadıxov ölümündən sonra "Vətən uğrunda" medalı ilə təltif edilib.