20.09.2020-ci ildə Azərbaycan ordusunun üzvü olaraq, müxtəlif döyüş tapşırıqlarını yerinə yetirib. Döyüş meydanında şücaət göstərərək bir neçə məntəqənin düşmən işğalından azad edilməsində iştirak edib. 14.10.2020-ci ildə Füzuli istiqamətində gedən döyüşlər zamanı qəhrəmancasına Şəhid olub.

Tofiq Rzayev oğlu Vüsal ilə qürur duyur. Çünki onun evinin, ocağının, yuvasının kiçik oğlu Vüsal qəhrəmandır. Vüsal Rzayev xeyir və şər mübarizəsində yəni İkinci Qarabağ müharibəsində qəhrəmancasına şəhid olub. Vətənə bağlılığı bir başqa idi şəhidimizin. O bu sevgisini içində böyüdürdü. Və zamanı gəlincə də könüllü döyüşə gedərək Vətənə olan sevgisini, bağlılığını döyüşdə vuruşan qardaşları ilə birgə göstərdi və son nəfəsinə kimi vuruşdu.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Vüsal Rzayev ölümündən sonra "Vətən uğrunda" medalı ilə təltif edildi.