O, 2018-ci ildə Gəncə şəhər 21 nömrəli tam orta məktəbi bitirib. 2018-ci ildə Gəncə Dövlət Regional Kollecində “Vaqon və refrijerator təsərrüfatı” ixtisası üzrə təhsilinə başlayıb.
2019-cu ildə Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Kəpəz Rayon Şöbəsindən həqiqi hərbi xidmətə çağırılıb. O, təhsilini yarımçıq qoyaraq, hərbi xidmətə yollanaraq, Müdafiə Nazirliyinin “N” saylı hərbi hissəsində xidmət etməyə başlayıb.

27 sentyabr 2020-ci il tarixində Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilib. Azərbaycan Ordusunun əsgəri olan Asim Süleymanov Tərtər rayonunun Suqovuşan kəndi, Xocavən rayonunun Ağoğlan (Hadrut) qəsəbəsi, Cəbrayıl və Xocavənd rayonlarının azadlığı uğrunda vuruşub.

4 noyabr Xocavənd Zoğalbulağ kəndinin azad olunması uğrunda gedən döyüşlərdə şəhidlik zirvəsinə ucalıb.

5 noyabr 2020-ci il tarixində isə Gəncə şəhərinin Şəhidlər xiyabanında dəfn olunub.

Süleymanov Asim Məhərrəm oğlu Azərbaycan Respublikasının Prezidenti İlham Əliyevin 15 dekabr 2020-ci il tarixli Sərəncamı ilə “Vətən uğrunda” (ölümündən sonra) və Azərbaycan Respublikasının Prezidenti İlham Əliyevin 25 dekabr 2020-ci il tarixli Sərəncamı ilə “Xocavəndin işğaldan azad olunmasına görə” (ölümündən sonra) medalları ilə təltif olunub.