Abdulrəhmanov Şöhrət Böyükbəy oğlu 1991-ci il fevrlın 14-də Hacıqabul rayonunun Şorbaçı kəndində anadan olub. 1997-2008-ci illərdə şəhid A. Baxşəliyev adın Şorbaçı kənd orta məktəbində təhsil alıb. 2009-2010-cu illərdə hərbi xidmətdə olub. 2016-cı ildən MAXE kimi xidmət etməyə başlayıb.
Azərbaycan ordusunun giziri olan Şöhrət Abdulrəhmanov 2020-ci il sentyabrın 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Suqovuşanın azadlığı uğrunda gedən döyüşlərdə mərdliklə döyüşüb. Ş. Abdulrəhmanov 2020-ci il oktyabrın 8-də Ağdərə istiqamətində şəhid olub və doğulduğu Şorbaçı kəndində dəfn olunub.
Qəhrəman döyüşçü ölümündən sonra Azərbaycan Prezidenti İlham Əliyevin Sərəncamları ilə "Vətən uğrunda" və "Suqovuşanın azad olunmasına görə" medalları ilə təltif edilib.
