Əsgər Ayaz Hüseynov, 2016-cı ilin aprel ayında baş verən döyüşlər zamanı qəhrəmancasına şəhid olub.
Aprelin 4-də Ayaz Hüseynov, doğulduğu Beyləqan rayonunun II Şahsevən kəndində son mənzilə yola salınıb. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb.
Ayaz Hüseynov ölümündən sonra göstərdiyi qəhrəmanlığa görə Azərbaycan Prezidenti İlham Əliyevin Sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.