Ermənistan ordusunun Tovuz rayonu istiqamətində törətdiyi təxribat nəticəsində şəhid olan hərbi qulluqçularımızdan biri əsgər Xəyyam Daşdəmirovdur. Xəyyam Məhəmməd oğlu Daşdəmirov 2002-ci ilin fevralın 22-də İsmayıllı rayonunun Balık kəndində anadan olub. Bakının Biləcəri qəsəbəsində 123 saylı orta məktəbdə təhsil alıb.
Kənd sakinlərinin sözlərinə görə, idmana böyük maraq göstərən Xəyyam çox mehriban və vətənpərvər insan olub.
Xəyyam mayın 8-də hərbi xidmətə yola düşüb. İyulun 12-də dövlət sərhədinin Tovuz istiqamətində düşmən təxribatının qarşısını alarkən qəhrəmancasına şəhid olub.
