İlk hərbi xidmətini Lənkəranda keçdikdən sonra Beyləqan rayonunda “Top Artilleriya” kursunu bitirib. Ağcabədinin yuxarı Qiyaməddinli kəndində xidmətini davam etdirib. Əsgəri xidmətindən sonra hərbi qulluqçu kimi Vətənə xidmətini davam etdirmək arzusunda olan Baxşəliyev Rəşid Əliağa oğlu 2016-cı il 2 aprel Azərbaycan-Ermənistan təmas xəttində baş verən atışma zamanı şəhid olub. Aprelin 12-si isə Rəşid Baxşəliyev Sumqayıt şəhərinin Şəhidlər Xiyabanında son mənzilə yola salındı. Ölümündən sonra göstərdiyi qəhrəmanlığa görə Azərbaycan Respublikasının
Prezidenti İlham Əliyevin Sərəncamı ilə “Hərbi xidmətdə fərqlənməyə görə” III dərəcəli medalı
ilə təltif edilib.