Alıyev Fərid Tofiq oğlu 12 mart 2005-ci ildə Bakı şəhəri 5 saylı doğum evində anadan olub.
Şamaxı rayonu 10 nömrəli orta məktəbdə təhsil alıb.
Ailənin iki oğlan övladından, əkiz qardaşlardan biridir.
Orta təhsilini tamamladıqdan sonra Azərbaycan Silahlı Qüvvələrinin sıralarına xidmətə çağrılıb.
Azərbaycan Silahlı Qüvvələrinin əsgəri olan Alıyev Fərid Tofiq oğlu Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Şuşa rayonu istiqamətində şəhid olub.
Əmisi Elman Əfqan oğlu Əliyev də Şəhiddir. O da cəmi 18 yaşında və 1992-ci ildə Şəhidlik məqamına ucalıb.
Prezident İlham Əliyevin Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında Sərəncamına əsasən əsgər Alıyev Fərid Tofiq oğlu ölümündən sonra 3-cü dərəcəli “Vətənə xidmətə görə” ordeni ilə təltif edilib.
