Əliyev Cavid Ceyhun oğlu 18.03.2004-cü il tarixdə Mingəçevirdə anadan olub.
Ailənin üç oğlan övladından biri, evin ortancıl oğlu olub.
Orta məktəbi Mingəçevir şəhərində, sonra bir müddət Bakı şəhərində oxuyub, 9 illik təhsil alıb.
2022-ci ilin aprelində isə həqiqi hərbi xidmətə yollanıb, Qubadlı istiqamətində qulluq edib.
Əsgərliyinin bitməsinə 11 gün qalmış, sentyabrın 19-da qəhrəmancasına Şəhidlik məqamına ucalıb.
Subay olub.
Prezident İlham Əliyevin Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında Sərəncamına əsasən əsgər Əliyev Cavid Ceyhun oğlu ölümündən sonra 3-cü dərəcəli “Vətənə xidmətə görə” ordeni ilə təltif edilib.
