Əmirov Tural Mətləb oğlu 22.10.1999-cu il tarixdə anadan olub.
Ağdam rayonundan məcburi köçkün olan Tural Əmirov Bərdə rayon Alaçadırlı qəsəbəsində ailəsi ilə birgə məskunlaşmışdı.
Əmirov Tural Mətləb oğlu 2023-cü ilin 19 sentyabrında Azərbaycan Ordusu tərəfindən başladılan lokal xarakterli antiterror tədbirləri zamanı döyüş tapşırığını yerinə yetirərkən qəhrəmancasına şəhid olub.
Prezident İlham Əliyevin Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında Sərəncamına əsasən əsgər Əmirov Tural Mətləb oğlu ölümündən sonra 3-cü dərəcəli “Vətənə xidmətə görə” ordeni ilə təltif edilib.
