Həsənov Kərəm Akif oğlu 01.01.1996-cı ildə Gədəbəy rayonunda anadan olub.
Kərəm Həsənov hələ uşaq yaşlarından idmanla məşğul olurdu. İdmanın Kikboksinq növündə müəyyən uğurlar əldə etmişdi.
2013-cü ildə Gəncə şəhər 39 saylı tam orta məktəbi bitirdikdən sonra hərbi sahəyə yollanıb.
Hərbi xidmətdə nümunəvi xidmətlərinə görə,2020-ci ilin 26 iyun tarixidə baş leytenant rütbəsinə layiq görülür.
Baş leytenant Həsənov Kərəm Akif oğlu 10 il idi ki,Orduda xidmət edirdi.44 günlük Vətən Müharibəsində də xüsusi qəhrəmanlıq göstərmişdi. Suqovuşan istiqamətində xüsusi qəhrəmanlıq göstərmişdi.
Azərbaycan Respublikası ərazilərinin işğaldan azad olunması zamanı döyüş tapşırıqlarını yerinə yetirərkən cəsarət və fədakarlıq göstərmiş, habelə təşəbbüskar və qətiyyətli hərəkətlər nümayiş etmiş baş leytenant Həsənov Kərəm Akif oğlu “Döyüşdə fərqlənməyə görə” medalı ilə təltif edilib.
Azərbaycan Silahlı Qüvvələrinin baş leytenantı olan Həsənov Kərəm Akif oğlu 2023-cü ilin 19 sentyabrında Azərbaycan Ordusu tərəfindən başladılan lokal xarakterli antiterror əməliyyatı zamanı döyüş tapşırığını yerinə yetirərkən qəhrəmancasına şəhid olub.
Prezident İlham Əliyev in Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında Sərəncamına əsasən baş leytenant Həsənov Kərəm Akif oğlu ölümündən sonra 3-cü dərəcəli “Vətənə xidmətə görə” ordeni ilə təltif edilib.
Şəhid Kərəm Həsənov 20.09.2023 cü il Gəncə Şəhidlər Xiyabanında dəfn olunub.
Qeyd edək ki, baş leytenant Kərəm Həsənov ailəli idi. Onun Vətənə əmanət bir qız övladı qalıb.
