Elçin İbrahimli 1997-ci il sentyabr ayının 26-da Naxçıvan MR Şərur rayonunun Yengicə kəndində anadan olub.
O orta təhsilini Şərur rayonu Yengicə kənd tam orta məktəbində alıb.
Elçin İbrahimli təhsilini 2012-ci ildən "Cəmşid Naxçıvanski" adına Hərbi liseydə davam etdirib.
O, 2015-ci ildə Bakıda yerləşən Heydər Əliyev adına Azərbaycan Ali Hərbi Məktəbinə daxil olub.
Hərbi xidməti
Elçin İbrahimli 2019-cu ildə təhsilini bitirərək "Leytenant" hərbi rütbəsi alıb və Tərtər rayonunda yerləşən "N" saylı hərbi hissədə Mühəndis-istehkam Taqım komandiri vəzifəsində xidmətə başlayıb.
2022-ci ildə Goranboy rayonunda yerləşən "N" saylı hərbi hissədə "Mühəndis-istehkam Bölük komandiri" olaraq xidmətini davam etdirib.
Elçin İbrahimli xidmətdə olan zaman, 2020-ci ildə ərazilərimiz işğaldan azad olduqdan sonra, Tərtər, Suqovuşan, Ağdamda və Şuşada böyük sahələrin minalardan təmizlənməsində, minlərlə minaların zərərsizləşdirilməsində böyük xidmətləri olub.
2022-ci il iyun ayının 26-da "Baş Leytenant" hərbi rütbəsi alıb.
Vətən Müharibəsində iştiraki
44 günlük Vətən müharibəsində Tərtər-Suqovuşan istiqamətində gedən döyüşlərdə iştirak edib. 12–14 sentyabr 2022-ci ildə Kəlbəcərdə gedən döyüşlərdə iştirak edib.
Ölümü və dəfn mərasimi 19.09.2023-cü ildə Ağdam-Ağdərə istiqamətində gedən lokal xarakterli Antiterror əməliyyatları zamanı qəhrəmancasına şəhid olub.. 21.09.2023-cü ildə Şərur rayon Şəhidlər xiyabanında dəfn olunub.
Anti-terror əməliyyatında iştirakı
Elçin İbrahimli girdiyi son döyüşdə yəni anti-terror əməliyyatlarında Ağdərəyə ilk girən olmuş,texnika ilə 2 erməni postunu yarmış və onlarca erməni hərbiçisini öldürmüşdür .
Təltifləri
"Vətən müharibəsi iştirakçısı" medalı
"Suqovuşanın azad olunmasına görə" medalı
"Cəsur döyüşçü" medalı
"Vətən uğrunda" medalı
"İgidliyə görə" medalı
3-cü dərəcəli vətənə xidmətə görə medalı
