Məmmədli Elxan Ələkbər oğlu 1997-ci oktyabrın 13-də İsmayıllı rayonun Zoğallıq kəndi kəndində anadan olub. Məmmədli Elxan orta təhsilini Suraxanı rayon 278 saylı tam orta məktəbində alıb. Daha sonra O, Bakı Biznes Universitetində aili təhsilə yiyələnib.
Azərbaycan Silahlı Qüvvələrinin hərbi qulluqçusu olan Məmmədli Elxan Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xocavənd istiqamətində gedən döyüşlərdə şəhid olub.
Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Məmmədli Elxan ölümündən sonra Azərbaycan Respublikasının prezidenti İlham Əliyevin sərəncamına əsasən “Vətən uğrunda” medalı ilə və 3-cü dərəcəli “Vətənə xidmətə görə” ordeni ilə təltif edilib.
