Mirzəyev Əlmirzə Ağamirzə oğlu 12 oktyabr 2004-cü ildə Hacıqabul rayonunda anadan olub.
2010-cu ildə Hacıqabul şəhər 9 nömrəli tam orta məktəbin birinci sinifinə daxil olub. Ümumi orta təhsili müvəffəqiyyətlə bitirdikdən sonra Hacıqabul Dövlət İqtisadiyyat və Humanitar Kollecinə qəbul olub.
Əlimirzə Mirzəyev 2022-ci ilin oktyabr ayında hərbi xidmətə yollanıb və öz istəyi ilə xüsusi təyinatlı qüvvələrin (komando) sıralarına daxil olub.
O, Azərbaycan Ordusunun keçirdiyi lokal antiterror tədbirləri zamanı 20 sentyabr 2023-cü ildə Xocavənd istiqamətində qəhrəmancasına şəhid olub. 22 sentyabr tarixində doğulduğu Hacıqabul rayonunda torpağa tapşırılıb.
Azərbaycan Respublikasının prezidenti İlham Əliyevin sərəncamına əsasən ölümündən sonra “Vətən uğrunda” medalı və 3-cü dərəcəli “Vətənə xidmət ordeni” ilə təltif edilib.
