2021/09/rahma-1632778575.jpg

line
Soyad: Əjdərov
Ad: Rəhman
Ata adı: Rasim
Doğum tarixi: 14.05.1997
Şəhid olub: 09.11.2020
Rütbə: Leytenant
Təltifləri
«Azərbaycan Bayrağı» ordeni«Vətən uğrunda» medalı«Xocavəndin azad olunmasına görə» medalı«Laçının azad olunmasına görə» medalı
Rəhman Rasim oğlu Əjdərov 1997-ci il, mayın 14-də Naxçıvan MR-in Babək rayonunun Kalbaoruc Dizə kəndində anadan olub. Ali təhsilli hərbçi idi.

Rəhman Rasim oğlu Əjdərovali hərbi təhsilini 2014-2018-ci illərdə Heydər Əliyev adına Azərbaycan Ali Hərbi Məktəbində (AAHM) alıb.

Azərbaycan Ordusunun leytenantı Rəhman Əjdərov Vətən müharibəsi zamanı Xocavəndin, Laçının və Şuşanın azadlığı uğrunda gedən döyüşlərdə iştirak edib. Rəhman Əjdərov noyabrın 9-da Şuşa döyüşləri zamanı şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatları zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Rəhman Əjdərov ölümündən sonra "Vətən uğrunda" medalı ilə təltif edilib.

Azərbaycan Respublikasının ərazi bütövlüyünün bərpa edilməsi zamanı döyüş əməliyyatlarına yüksək peşəkarlıqla rəhbərlik etdiyinə, düşmənin canlı qüvvəsinin və döyüş texnikasının məhv edilməsində fədakarlıq və rəşadət göstərdiyinə, vəzifə borcunu ləyaqətlə və vicdanla yerinə yetirdiyinə görə Azərbaycan Prezidenti İlham Əliyevin 15.12.2020-ci il tarixli Sərəncamına əsasən ölümündən sonra "Azərbaycan Bayrağı" ordeni ilə təltif edilib.

Xocavənd və Laçın rayonlarının işğaldan azad edilməsi uğrunda aparılan döyüş əməliyyatlarında igidlik və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən ölümündən sonra "Xocavəndin azad olunmasına görə" "Laçının azad olunmasına görə" medalları ilə təltif edilib.