2021/02/img_2-1612980496.jpg

line
Soyad: Ağakişiyev
Ad: İlkin
Ata adı: Elxan
Doğum tarixi: 17.09.1995
Şəhid olub: 08.10.2020
Rütbə: əsgər
Təltifləri
«Vətən uğrunda» medalı
İlkin Elxan oğlu Ağakişiyev 1995-ci ilin 17 sentyabrında Mingəçevir şəhərində  anadan olub. İlkin Mingəçevir şəhəri Ü.Hacıbəyli adına 11 illik musiqi məktəbində musiqi təhsili alıb. Evin tək oğlu olan İlkin 2013-cü ildə Mingəçevir şəhər 10 N-li orta məktəbi bitirib. Elə həmin il Azərbaycan Əmək və Sosial Münasibətlər Akademiyasının Maliyyə uçotu fakültəsinə qəbul olunub.



Universiteti bitirdikdən sonra bir il boyunca Gədəbəydə ön cəbhədə əsgərlikdə olub. 2020-ci ilin sentyabrında İlkin təlimlər üçün N saylı Hərbi hissəyə, oradan da Goranboy rayonu Ballıqaya istiqamətinə aparılıb. İlkin Ağakişiyev oktyabrın 8-də Ağdərə istiqamətində şəhid olub.



İlkin axırıncı dəfə ailəsi ilə sentyabrın 30-da danışıb. Sonra onunla əlaqə saxlamaq mümkün olmayıb. Ailəsinə yalınız 56 gündən sonra şəhidlik xəbəri gəlib. Şəhidin nəşi noyabrın 27-də Mingəçevir şəhər Şəhidlər Xiyabanında dəfn olunub.



Aildə iki uşaq - bir bacı, bir qardaş olublar. 25 yaşı olmağına baxmayaraq ailəsi və dostları hər bir məsələdə İlkinlə məsləhətləşərdi.1 il 9 ay idi ki, AzəriMed dərman firmasında işləyirdi.Torpağa qoyulan gündən bir xınalı pişik gecə-gündüz İlkinin yanından getmirdi.

Cəbhədə olduğu günlərdə anası onun saatı ilə yaşayırdı, saat dayanmır, "balam sağdır", deyirdi. İlkinin cənazəsi evlərinə gələndə saatı dayanıb, əqrəbləri 10:40-ı göstərib. Həmin saatla birlikdə ananın ümidləri, arzuları da dayanıb, ürəyi əbədi olaraq bala dərdinə məhkum olub.

Şəhid İlkin ölümündən sonra "Vətən uğrunda" medalı ilə təltif edlib.