2007-ci ildə Qaradolaq kənd məktəbində təhsil almağa başlayıb.2016-cı ildə həmin məktəbin 9- cu sinfini bitirib. 9-cu sinfi bitirdikdən sonra Qax Peşə Liseyinə daxil olub. 8 may 2020-ci ildə Peşə Liseyini bitirdikdən sonra Azərbaycan Silahlı Qüvvələrinin sıralarında əsgər kimi hərbi xidmətə başlayıb. Nicatın Vətənə hərbi xidməti məhz “İkinci Qarabağ” müharibəsinə təsadüf edib.

O da digər Vətən oğullarımız kimi torpaqlarımızın düşmən tapdağından azad olması üçün qəhrəmancasına döyüşüb. Füzuli uğrunda gedən döyüşlərdə iştirak edib. 4 noyabr 2020-ci ildə Şuşanın alınması uğrunda gedən döyüşlərdə isə şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Nicat Mənəfov ölümündən sonra "Vətən uğrunda" medalı ilə təltif edilmişdir.

memorial.az