Teymurov Elvin Mustafa oğlu 1999-cu il mayın 20-də Babək rayonunun Nehrəm kəndində dünyaya göz açıb. O, 2005-2016-cı illərdə orta təhsilini Nehrəm qəsəbəsində yerləşən Elşad Əliyev adın 2 saylı tam orta məktəbdə alıb. 2017-ci ildə hərbi xidmətə yollanıb və Culfa rayonunda XTQ-lərdə xidmət edib. Torpaqlarımızın düşmən tapdağı altında olması ilə barışmayan qəhrəmanımız hərbi xidməti başa vurduqdan bir müddət sonra yenidən hərbiyə qayıdıb.
Hərbi kursa başlayan Elvin müddətdən artıq hərbi xidmətə başlayıb. Azərbaycan Respublikası Müdafiə Nazirliyi Naxçıvan Əlahiddə Ümumqoşun Ordusunun MAXE əsgəri kimi 2020-ci ilin oktyab ayının 10-da Qarabağda hərbi əməliyyatlara qatılıb. Füzuli , Xocavənd və Hadrut istiqamətində döyüşlərdə iştirak edən Elvin oktyabrın 21-i Tuğ dağı istiqamətində gedən döyüşlərdə həlak olub. O, oktyabrın 26-da Naxçıvan MR -nın Nehrəm qəsəbəsində torpağa tapşırılıb.
Ölümündən sonra
“Vətən uğrunda” ,
“Hərbi xidmətlərə görə” və
“Şuşanın azad olunmasına görə” medalları ilə təltif olunub.
