2002-ci ildə Şahtaxtı kənd tam orta məktəbinə getmiş, 2013-cü ildə həmin məktəbi bitirmişdir. 2014-cü ildə Milli ordu sıralarına çağırılmışdır.  Xidməti dövründə çavuş rütbəsi alır. 2015-ci ildə ordudan tərxis olunur.  Lakin Vətən sevgisini hər şeydən üstün tutan Zaman könüllü ərizə yazaraq 2016-cı ildə yenidən ordu sıralarına qayıdır. Xüsusi təyinatlı qüvvələrdə xidmət edir. Xidmət dövründə hərbi təlimlərdə göstərdiyi şücaətinə görə hərbçimiz Türkiyə Respublikasına kursa göndərilir. Kursu uğurla başa vuraraq fəxri fərman və diplomlarla Vətənə geri qayıdır. 

Müharibə başlayanda Naxçıvandan yollanan ilk xüsusi təyinatlı qüvvələrin  dəstəsində Zaman da döyüşlərə qatılır. Bir çox uğurlu əməliyyatlarda iştirak edir. Füzulidən Şuşaya qədər döyüş yolu keçir. Döyüş yoldaşlarının dediyinə görə ayağından yaralanmağına baxmayaraq döyüşu davam etdirir. Və sonda 28 oktyabrda Şuşa uğrunda gedən  döyüşlərdə  qəhrəmancasına şəhid olur.   Doğuldugu Şahtaxtı kəndində son mənzilə yola salınır.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Zaman Məmmədov ölümündən sonra "Vətən uğrunda" medalı ilə təltif edildi.

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Zaman Məmmədov ölümündən sonra " Şuşanın azad olunmasına görə" medalı ilə təltif edildi.
Azərbaycan ərazilərinin işğaldan azad olunması zamanı döyüş tapşırıqlarını və xidməti vəzifələrini yerinə yetirən zaman fərqləndiyinə görə Azərbaycan Prezidenti İlham Əliyevin 30.12.2020-ci il tarixli Sərəncamına əsasən Zaman Məmmədov ölümündən sonra " Hərbi xidmətlərə görə" medalı ilə təltif edildi.
Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Zaman Məmmədov ölümündən sonra "Füzulinin azad olunmasına görə" medalı ilə təltif edildi.
Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Zaman Məmmədov ​ölümündən sonra "Xocavəndin azad olunmasına görə" medalı ilə təltif edildi.

memorial.az

 

memorial.az