Həsən Həsənov 2008-cı ilin oktyabr ayının 1-də Füzuli rayonunun Azərbaycan Silahlı Qüvvələrinə müddətli həqiqi hərbi xidmətə çağırılıb. 2010-cu ildə xidmətini uğurla başa vurub. 2017-ci ildə müddətdən artıq hərbi xidmət qulluqçusu kimi Pirəkəşkül qəsəbəsində xidmət etməyə başlayıb.

Azərbaycan Silahlı Qüvvələrinin müddətdən artıq hərbi xidmət qulluqçusu olan Həsən Həsənov 2020-ci il sentyabrın 27-də Azərbaycan və Ermənistan arasında başlanan II Qarabağ müharibəsi zamanı Füzuli uğrunda gedən döyüşlərdə vuruşub. Həsən Həsənov Hadrut uğrunda döyüşlərdə də vuruşub. Həsən Həsənov 40 nəfərdən çox əsgər yoldaşını mühasirədən çıxarıb. Həsən Həsənov oktyabrın 2-də Füzuli rayonun Əhmədbəyli kəndi uğrunda gedən döyüşlərdə 6 əsgər yoldaşını döyüş zonasından çıxarandan sonra qəhrəmancasına şəhid olub. Həsən Həsənov oktyabr ayının 3-də Şirvan şəhərinin Şəhidlər Xiyabanında dəfn olunub.

 Azərbaycan Respublikasının Prezidentinin 15 dekabr 2020-ci il tarixli Sərəncamı ilə Həsən Rəhim oğlu Həsənov  "Vətən uğrunda" medalı ilə təltif edilib.
Azərbaycan Respublikasının Prezidentinin 25 dekabr 2020-ci il tarixli Sərəncamı ilə Həsən Rəhim oğlu Həsənov  "Füzulinin azad olunmasına görə" medalı ilə təltif edilib.

Ailəli idi. Ömər və Camal adlı oğulları yadigar qaldı.