Azərbaycan Ordusunun 44 günə zəfərlə bitirdiyi Vətən müharibəsində qəhrəmancasına şəhid olan əsgərlərdən biri də Məmmədov Elvin Mübariz oğludur.

Elvin Məmmədov 1996-cı il fevralın 26-da Göyçay rayonunun Ləkçıplaq kəndində dünyaya göz açıb. Orta təhsilini Ləkçıplaq kənd məktəbində aldıqdan sonra hərbi xidmət üçün Bakı şəhərinə yollanıb.27 sentyabrda başlayan II Qarabağ müharibəsində iştirak etmək üçün könüllü olaraq ön cəbhəyə yollanıb. 30 sentyabrda Ağdərə uğrunda gedən döyüşdə şəhadət şərbətini içərək şəhidlik zirvəsinə yüksəlir.

Azərbaycan Respublikasının Prezidenti İlham Əliyevin sərəncamına əsasən ölümündən sonra "İgidliyə görə" , "Laçının azad olunması" , "Suqovuşanın azad olunması" ,  “Vətən uğrunda” medalları ilə təltif edilib.