Tağıyev Əkbər Məhəmməd oğlu 07 fevral 1994 -cu ildə Yevlax rayonunda anadan olub. Əkbər orta məktəbi bitirdikdən sonra Mingəçevirdə Turizm kollecinə qəbul olur. 2014-16-cı illərdə oranı bitirir. Hərbi xidmət borcunu Naxçıvanda keçir.
2020-ci il sentyabrın 27-də xalqımız torpaqlarının işğaldan azad edilməsi uğrunda hərbə qatılmaq üçün müraciət edir. Ertəsi gün Əkbər müharibəyə çağırılır və sentyabrın 29-da Ağdərə istiqamətində döyüşlərə girir. O, hələ orta məktəbdə oxuyandan hərbçi olmaq istəyirdi.
19 noyabr 2020-ci ildə Tərtər-Ağdərə bölgəsində düşmən tərəfindən atılan artilleriya mərmisinin partlaması nəticəsində aldığı qəlpə yarasından şəhid olub.
Azərbaycan Respublikasının Prezidenti İlham Əliyevin 15.12.2020-ci il tarixli Sərəncamına əsasən Əkbər Tağıyev ölümündən sonra "Vətən uğrunda" medalı ilə təltif edilib.
