|
Əslən Kəlbəcər rayonundan idi.Orxan 1998-ci ildə Bərdə rayonunda yerləşən iki nömrəli ərəb çadırında birinci sinifə gedib. Ailəsi ilə birlikdə 2006-cı il də Məcburi köçkünlər üçün nəzərdə tutulmuş Baharlı-1 qəsəbəsində məskunlaşırlar. 2010-cu ildə məktəbi yaxşı qiymətlərlə bitirib. 2010-cu ilin Oktyabr ayında hərbi xidmətə yollanır. Hərbi xidmətdə olduğu müddət ərzində də öz şücaətilə seçilən Orxan xidmət müddəti bitdikdən sonra uşaqlıq arzusu olan Hərbçi vəzifəsinə davam edir.Öz vəzifəsini layiqincə yerinə yetirən Şəhidimiz, 2016-cı il aprel döyüşlərində iştirak edib. Düşmənə ağır zərbələr vurur. 2020-ci il 27-i sentyabrda başlayan Vətən müharibəsində də iştirak edən Orxan 28 sentyabrda Ağdam rayonu ərazisində yerləşən Balıqçılıq adlanan ərazidə öz mövqeyində yanına düşən düşmən mərmisi nəticəsində qəhrəmancasına şəhid olub.
Şəhidimiz 30 sentyabrda Bərdə rayonu Şəhidlər məzarlığında son mənzilə yola salınır. Evin tək oğlu olan Orxan nişanlı idi. Şəhid olduqdan sonra Ali Baş Komandanımız Cənab İlham Əliyev tərəfindən təsis olunan "Vətən Uğrunda" medalı ilə təltif olunub.
