Sahil Məmmədov 12 iyul 1996-cı ildə Ağcabədi rayonunun Yuxarı Qiyaməddinli kəndində anadan olmuşdur.

 Atası Məmmədov Ədalət Pencalı oğlu I Qarabağ müharibəsi qazisi idi. İlk təhsilini 2003-cü ildə Alı Mustafayev adına Ağcabədi rayonu Yuxarı Qiyaməddinli kənd 1 saylı tam orta məktəbində almışdır. Məktəbi bitirdikdən sonra hərbi xidmətə yollanan Sahil hərbi xidmət müddəti bitdikdən sonra MAXE əsgər olmağa qərar verir. 5 il MAXE olaraq çalışan Sahil "Kəşfiyyat" qrupuna yazılaraq Füzuli istiqamətində xidmətinə davam edir.

Gizir olaraq Məmmədov Sahil 27 sentyabr 2020-ci ildən başlayaraq İkinci Qarabağ müharibəsində iştirak edir. 25 oktyabr 2020-ci ildə Gizir Məmmədov Sahil Ədalət oğlu Qubadlıda şəhid olur.

Ağcabədi Şəhidlər Xiyabanında dəfn edilmişdir.

Hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli sərəncamına əsasən Gizir Məmmədov Sahil Ədalət oğlu ölümündən sonra "Vətən uğrunda" medalı ilə təltif edildi.