Şəhid Abdullayev Tural Bəyləroğlu –1993-cü il fevral ayının doqquzunda Xocavənd rayonunun Tuğ kəndində anadan olub.
Xocavənd Rayon Salakətin kənd tam orta məktəbində orta təhsilini başa vuran Tural 2012-2014-cü illərdə Sərhəd Qoşunlarında hərbi xidmətdə olub.
22 aprel 2014-cü il tarixdən N saylı hərbi hissədə müddətdən artıq xidmət edən hərbi qulluqçu kimi xidmətə başlayıb.
Xidmət müddətində intizamı və nümunəvi davranışı ilə seçilib.
Azərbaycan Ordusunun kiçik giziri Tural Abdullayev 2020-ci il sentyabrın 27-də başlayan Vətən müharibəsində Cəbrayılın, Hadrut qəsəbəsinin və Füzulinin azadlığı uğrunda gedən döyüşlərdə aktiv iştirak edib.
Oktyabrın 24-də Füzuli istiqamətində gedən döyüşlərdə şəhid olub.
Ailəli idi iki övladı yadigar qalıb.
Azərbaycan Respublikası Prezidentinin müvafiq sərəncamları ilə Abdullayev Tural Bəylər oğluölümündən sonra “Füzulinin azad olunmasına görə” “Cəbrayılın azad olunmasına görə” , “Vətən Uğrunda” medalları və 3-cü dərəcəli "Vətənə xidmətə görə" ordeni ilə təltif olunub.
