Vətən Müharibəsinin şəhidi Mürsəlzadə Elməddin Cəsur oğlu avqustun 7-si 2000-ci ildə Samux rayon Əhmədbəyli kəndində anadan olub.
2017-ci ildə Gəncə Dövlət Universitetinin Qiyabi şöbənin “Bədən tərbiyəsi və idman” müəllimliyi ixtisasına qəbul olub.
Elməddin döyüşlərə könüllü yollanıb. Vəzifəsi kəşfiyyatçı-radiotelefonçu idi. 2020-ci ilin oktyabrın 15-dən 16-na keçən gecə Cəbrayıl uğrunda gedən döyüşlərdə iştirak edərək qəhrəmancasına şəhid olub.
Ölümündən sonra " Vətən uğrunda ", “Cəbrayılın azad olunmasına görə” və “Hərbi xidmətə görə” medalları ilə təltif olunub.
