44 günlük Vətən Müharibəsinin ən gənc şəhidlərindən biri Nurullayev Elnur Fərhad oğludur.
8 oktyabr 2000-ci ildə Şəkinin Kiş kəndində doğulan Elnur sentyabrın 29-da ordu sıralarına qoşulub. Əsasən Laçın istiqamətində gedən qızğın döyüşlərdə iştirak edib. Laçın uğrunda gedən döyüşlərdə 28 oktyabr 2020-ci ildə artilleriya atəşi nəticəsində şəhid olub.
Prezident İlham Əliyevin müvafiq sərəncamları ilə "Hərbi xidmətlərə görə", "Cəbrayılın azad olunmasına görə", "Qubadlının azad olunmasına görə", "Laçının azad olunmasına görə" medalları ilə təltif edilib.
