Taleh Salamov 1992-ci il yanvarın 16-da Quba rayonu Güləzi kəndindən anadan olmuşdur. Azərbaycan Ordusunun kiçik çavuşu olan Taleh Salamov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Suqovuşanın azadlığı uğrunda gedən döyüşlərdə savaşıb.

Talış kənd və Suqovuşan yaşayış məntəqəsinin azad olunması uğrunda gedən döyüşlərdə 2020-ci il oktyabrın 10-da qəhrəmancasına şəhidlik zirvəsinə yüksəlib. Xırt kənd qəbristanlığında torpağa tapşırılıb.

Azərbaycan Respublikasının Prezidenti İlham Əliyevin sərəncamına əsasən ölümündən sonra "İgidliyə görə" , "Laçının azad olunması" medalı, "Suqovuşanın azad olunması" medalı, “Vətən uğrunda” medalları ilə təltif edilib.