2021/05/ikram-1622191313.jpg

line
Soyad: Arazov
Ad: İkraməddin
Ata adı: Qüdrət
Doğum tarixi: 07.09.2001
Şəhid olub: 02.10.2020
Rütbə: əsgər

İkraməddin Arazov 2001-ci il sentyabrın 7-də Qusar rayonunun Urva kəndində anadan olub. İki bacının yeganə kiçik qardaşı olan İkraməddin ata babasının adını daşıyıb.

Azərbaycan Ordusunun əsgəri kimi 2020-ci il sentyabrın 27-də başlayan Vətən müharibəsi zamanı Murovdağ istiqamətində gedən döyüşlərdə iştirak edib.

20 yaşlı əsgər İkraməddin 2019-cu il oktyabrın 2-də Səfərbərlik və Hərbi Xidmətə Çağırış üzrə Dövlət Xidmətinin Qusar rayon şöbəsindən Milli Ordu sıralarına yola düşmüşdü. Əsgər kimi evdən çıxan İkraməddin doğma kəndinə bütün el-obanın fəxri kimi qayıtdı.



İkraməddin Arazov oktyabrın 2-də Murovdağ döyüşləri zamanı şəhid olub. Uzun müddət nəşi tapıla bilməyib. Nəhayət, şəxsiyyəti DNT analizinin rəyindən sonra məlum olub. 2021-ci il yanvarın 15-də torpağa tapşırılıb.



İkraməddin Arazov Urva kəndinin Vətən Müharibəsindəki 4-cü şəhidi idi. Bundan əvvəl kənd sakinləri Vadim Ələsgərov , Cumart Əlimuradov Mayıl Kürəbəyov da Vətən müharibəsindən kəndə şəhid kimi dönüblər.