Mirzəyev Cavid Azər oğlu 13 noyabr 1994-cü ildə Siyəzən rayonunun Gilçay qəsəbəsində anadan olub.Orta təhsilini Sumqayıt şəhəri 1 saylı tam orta məktəbdə alıb. Bakı Slavyan Universitetində ali təhsilə yiyələnib. Ali təhsilini tamamladıqdan sonra Azərbaycan Silahlı Qüvvələrinə həqiqi hərbi xidmətə çağırılıb. Azərbaycan Silahlı Qüvvələrinin Təlim və Tədris Mərkəzində “zabit hazırlığı” kurslarını bitirib, “leytenant” hərbi rütbəsi ilə xidmətini davam etdirib.
Vətən Müharibəsində qəhrəmanlıqla iştirak edib, Xocavənd və Füzuli rayonları uğrunda gedən döyüşlərdə iştirak edib.
Qeyd edək ki, Vətənin qeyrətli oğlu, mətin zabit Cavid Mirzəyev44 günlük Vətən müharibəsindəki şücaətinə görə, Azərbaycan Respublikasının prezidenti İ lham Əliyevin müvafiq Sərəncamlarına əsasən, "Vətən müharibəsi iştiakçısı” , "Hərbi xidmətdə fərqlənməyə görə” 3-cü dərəcəli medallarla, həmçinin "Hərbi xidmətlərə görə”, "Füzulinin azad olunmasına görə” , "Xocavəndin azad olunmasına görə” medalları ilə təltif olunmuşdu. Baş leytenent şəhidliyindən sonra, Ölkə Rəhbərinin 07.11.2023-cü il tarixli Sərəncamına əsasən, 3-cü dərəcəli "Rəşadət” ordeni” və "Vətən uğrunda” medalı ilə təltif olunub.
Azərbaycan Silahlı Qüvvələrinin baş leytenantı olan Mirzəyev Cavid Azər oğlu Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş uğurlu lokal antiterror tədbirləri zamanı şəhid olub.
